بلوچستان ءِ دمگ خاران ءَ پاکستانی لشکریاں یک مردمے دزگیر کنگ ءَ پد ناشناسیں جاھاں بُرتگ۔
اھوالانی ردءَ 1 جنوری ءِ شپ ءَ خاران ءِ جتا جتائیں میتگاں پاکستانی لشکریاں بیڑ برتگ ءُ خاران ءِ جنوبی کلام ءِ ھند ءَ چہ یک ورنایے دزگیری ءَ پد ناشناسیں بندیگ جاھاں برتگ۔
بیگواہ بیتگیں مردم ءِ پجار احمد ملازئی ء محمد اشرف ملازئی ءِ نام ءَ بیتگ۔
احمد ملازئی 8 سال پیسر بیگواہ بیتگیں آصف سھیل ءُ گوستگں سال ءَ بیگواہ بیتگیں غیاث بلوچ ءِ نزیک ءَ سیاد اِنت۔