گوادر ءُ کش ءُ گوری دمگاں ترندیں ھوراں پد بازیں جاہ آپ ءَ بڈینتگ اَنت،مھلوک ءَ جنجالانی دیمپانی

بلوچستان ءِ تیابدپی شھر گوادر ءَ گوستگیں روچ ءَ چہ بندات بیتگیں ھواراں توپانی کرتگ –

دی بلوچستان پوسٹ پتر ھال ءَ سر بیتگیں ھالانی رد ءَ بازیں جاہ آپ ءَ مل اِتگ اَنت، لوگانی تہ ءَ آپ سر بیتگ ءُ چریشی ءِ سبب ءَ زھگ ءُ زالبولانی رکینگ ءِ ھاتر ءَ مھلوک وتی کمک ءَ وت یکدار اش لوٹائینتگ ءُ زھگ ءُ زالبولاں دومی جاھاں برگ ءَ اَنت –

دمگی اھوالکارانی رد ءَ گوادر ءِ انتزامیہ ءِ ٹاہ دِر در بیتگ اَنت داں انگت ءَ گوادر ءِ بازیں جاہ آپ ءِ تہ ءَ اَنت بلے انتزامیہ ءِ نیمگ ءَ ھچ وڑیں کمک نیست اِنت ءُ بس تھنا انتزامیہ ءَ چاگردی ترامجاھاں ایمرجنسی نافذ کتگ –

دومی نیمگ ءَ ھک دو تھریک ءِ باسک کمک ءَ دزبند اَنت ءُ ریسکیو آپریشب شھریانی دست ءِ دست ءِ دارگ ءِ جھد ءَ اِنت –

گیشتر دمگی مردمانی رد ءَ اے مردماں نا رھوت کرتگ ءُ ناکہ آیانی نیمگ ءَ کسے اتکگ –

چاگردی رسانکجاھاں اے تباھی ءِ زمہ واریاں گوادر ڈویلپمنٹ اتھارٹی ءِ سر ءَ لڈگ ءَ اَنت آیانی گوشگ اِنت گوادر ءَ اگاں GDA ءِ سرجم اِنت گڑا مروچی گوادر ءِ واستا کارے کتگ اَت مروچی گوادر چوش نہ بیتگ اَت-

دومی نیمگ ءَ گوادر ءِ دمگاں ترندیں ھورانی گوارگ ءَ بنداں برتگ ءُ مھوک اے گرانیں روچاں سرپچیں آسمان ءِ چیر ءَ سارتی ءَ لاچار اَنت –