تربت ءَ پاکستانی پوج ءِ سر ءَ بمب اُرش، دو کارندہ زدگ

دی بلوچستان پوسٹ پترھال ءَ سر بیتگیں ھالانی رد ءَ پشمبے ءِ شپ ءَ بلوچستان ءِ دمگ کیچ ءَ پاکستانی پوج فرنٹئرکور ءِ کارمندانی سر ءَ تراکے ءِ آسر ءَ دو ایف سی کارندہ زدگ بیتگ اَنت –

پوج کیچ ءِ بنجاھی شھر تربت ءَ دزبمبے ءِ نشانگ بیتگ-

سر بیتگیں اھوالانی رد ءَ تربت ءَ تراک ءَ پد پوج ءَ تعلیمی چوک ءُ کش ءُ گوری دگ بند کتگ اَنت ءُ تیرگواری بندات کرتگ ءُ دہ مردم دزگیر کنگ ءُ گون وت اش برتگ اَنت ءُ دمگ ءَ راہ ءُ در بند کنگ بیتگ اَنت –

بلوچستان حق دو تحریک ءِ سروک مولوی ھدایت الرھمان بلوچ ءَ تراک ءُ پاکستانی ایف سی ءِ نیمگ ءَ مھلوک ءِ سر ءَ زورانسری ایرجتگ اَنت –

زانگ بہ بیت بیست ءُ چار ادارانی تہ ءَ کیچ ءَ پاکستانی پوج ءِ سر ءَ اے سیمی ارش اِنت چریشی ءَ پیسر مند ءُ کیچ ءِ دمگ زامران ءَ سلاہ بندیں مردماں پوج نشانگ کتگ اَت-

زامران ءَ پوج ءِ سر ءَ بیتگیں اُرش ءِ زمہ واری بلوچ آجوئی لوٹوکیں گل بی آر اے ءَ منّ اِتگ اَت ءُ تنی وھدی آ دگہ اُرشانی زمہ واری کس ءَ نہ زرتگ اَنت-