بلوچستان ءِ دمگ کیچ ءَ ناشناسیں سلاہ بندیں مردماں پاکستانی پوج ءِ پوسٹ ءِ سر ءَ کُتگیں اُرش ءِ تہ ءَ مزنیں کساسے ءَ کارمندانی کُشگ بیگ ءِ ھال اِنت۔
اھوالانی رد ءَ اُرش کاراں لشکریانی بنجل قوضہ کنگ ءَ پد آسراتی گوں وت بُرتگ اَنت۔
اُرش تمپ ءِ عبدوئی ءُ وکائی ءِ نیامی ھنکین ازغندی ءَ پوجی بنجل ءِ سر ءَ بیتگ۔
اھوالانی تہ ءَ گیشتر گُشگ بیتگ کہ اُرش ءِ تہ ءَ لشکریاں مزنیں کساس جانی ءُ مالی تاوانانی دیمپانی کنگ کپتگ وھدیکہ واکدارانی نیمگ ءَ چہ اَے اُرش ءِ درگت ءَ ھچ پئیم ءِ لیکہ انگت دیما نئیتکگ۔
زانگ بہ بیت اے دمگانی تہءَ بلوچ آجوئی لوٹوکیں سلاہ بندیں گل مدام اُرشانی زمہ واری ءَ زیر اَنت بلے اے اُرش ءِ زمہ واری انگت ھچ گل ءَ نہ من اِتگ۔