کراچی ءَ بیگواھیں مردمانی ھاتر ءَ زھرشانی برجاہ

گلانی تہ ءَ پلینڈی ھچ رنگ ءَ اوپار کنگ مہ بیت – ماما قدیر بلوچ

کراچی پریس کلب ءِ دیم ءَ وائس فار بلوچ مسنگ پرسنز ءِ ھرتالی گدان ءَ چار ھزار ءُ پنچ سد ءُ بیست ءُ ھپت روچ سرجم بیتگ – چہ کراچی ءَ سیاسی ءُ چاگردی باسک سھیل بلوچ، چاکر بلوچ ءُ دگہ مردماں بنجل ءَ اتکگ ءُ پدردی درشان اش کتگ-

وائس فار بلوچ مسنگ پرسنز ءِ وائس چیئرمین ماما قدیر بلوچ ءَ گوشتگ کہ ٹاپار جنگ ءُ وت ءَ گیشتر جوانتر سرپد بیوکیں رویش یلس کنگی اَنت راجی آمیدگس ءِ دیم ءَ درستاں پیش بیگی اِنت اے وڑیں جست کنگ بہ بیت گوست ءِ رھشوناں سرگوز کنگ اِنت اے کجام دھشت اِنت اے کجام مردم اِنت کہ آئی ءَ وتی دانشوری ءِ تاج پیش نہ کتگ بدتریں جاورھالاں دشمن ءِ ھلاپ ءَ بیتگ اَنت چریشی ءَ مردم درگان درگان بہ بیگ ءَ ابید اشی ءَ مردم سرپد بہ بنت ءُ بنجل ءَ بیار اَنت درستاں جوانتریں گپ ایش اِنت کہ پُر ایمنیں گلانی تہ ءَ پلینڈی ھچ رنگ ءَ اوپار کنگ نہ بیت اِنت ھرگام ءَ شیوار بیگی اِنت درباری زھن وتی تہ ءَ کشگی اِنت مھلوک ءُ سیاسی مردمانی ھاتر ءَ راج ءِ لوٹانی ھاتر ءَ پولینگ کنوکاِ دور بیگی اِنت –

آئی ءَ گُشتگ کہ بیت کنت مئے کچ کم اِنت اشی ءِ تہ ءَ ھچ فرق نیست اِنت بلے یک رندے پلینڈ الم مئے اندر ءَ کاینت آ الم باوست کنگ ءَ وھد دے اَنت اے وڑیں مردماں ھیلکاری ءِ جاور الم گھتر کنگ لوٹ اَنت اے گوشگ رد نہ بیت اِنت لکانی بلوچانی ھون ءُ جزبات ءَ ھما بنیاد ءِ نھال ءَ گوں بندوک کنگ ءَ اَنت تباھی اِنت آئی ءِ دارگ المی اِنت زھنی عیاشی ءِ سر ءَ راج ءِ ھدمت بیت نہ کنت لھتے پلینڈاں اے وھد دیگ مہ بیت آ وتی چپ ءُ چوٹیں جستانی پژدر ءَ بلوچانی پُر ایمنیں جد ءُ جھد ءِ ھلاپ ءَ زھر تالان بہ کنت کہ آئی ءَ نامی ءُ شھری ءِ شوک اِنت آئی ءِ سر ءَ ھچ باپندی نیست اِنت کہ آ دگہ میدانے ءَ اوشتات کنت چاگردی رسانکجاھانی دوست کدی سرپد بنت کہ جد ءُ جھد سھب ءِ ھرزبند ءُ نیمروچ ءِ نان یا شپ ءِ واب نہ اِنت –