سریچ گریشہ: گورنمنٹ ھائیر سیکنڈری اسکول ءِ سالانہ چکاسانی سوبمندی ءِ ھواری ءَ مراگشے برجم دارگ بیتگ

بلوچستان ءِ دمگ سریچ گریشہ ءَ ھائیر سیکنڈتی اسکول ءِ سالانہ چکاسانی سوبمندیانی ھواری ءَ یک مراگشے برجم دارگ بیتگ –

مراگش ءَ ہیڈماسٹر مھمد یونس ءَ ھوار اسکول ءِ استاداں ھوار نودربراں بازیں کچے ءَ بھر زرتگ ءُ مراگش ءَ استاداں نودربرانی ستاشانی ءُ تران کرتگ-

مراگش ءَ پوزیشن ھولڈرزیں نودربراں داد دیگ بیتگ ءُ آوکیں وھدانی واستا دلگوش دیگ ءِ دلبڈی داتگ اَنت ئِے –

مراگش ءَ اسکول ءِ ہیڈ ماسٹر یونس ءَ تران کنان ءَ گوشتگ کہ مروچی من ءَ وشی بیگ ءَ اِنت ما اے وڑیں مراگشے داشتگ ءُ وتی نودربراں دلبڈی دیگ ءَ ایں –

آئی ءَ گُشتگ کہ اے جھد الم برجم بیت اِنت ءُ آوکیں وھداں ھم اے وڑیں مراگش برجم دارگ بنت ءُ نودربرانی دلبڈی ءُ آیانی دیمروئی ءِ واستا ھر وڑیں جھد کنگ بیت اِنت –

آئی ءَ نودربرانی دیم ءَ تران کنان ءَ گوشتگ کہ اے وتی گرانبھائیں وھد ءَ دگہ چیزاں گیش وانگ ءَ بہ دے ایت ءُ آوکیں وھداں داں شما سوبمند بیت بہ کن ئے –

آئی ءَ گُشتگ کہ وانگ ءُ زانگ ءَ تھنا شمارا نپ نہ رس ایت بلکیں وانگ ءُ زانگ ءَ شما وتی دمگ ءَ چہ سلکاریاں رکینگ ءُ دیمروئی ءِ واستا کار کت ئے –