بیست پنچ نومبر ءَ بندات بیتگیں ٹیسٹ گوازی ءِ اولی اننگز ءَ ھندوستان ءَ 345 رنز اڈ کُتگ اَت، وھدیکہ نیوزلینڈ 296 رنز ءِ سر ءَ سرجمیں ٹیم آوٹ بیتگ اَت۔
ھندوستان ءِ نیمگ ءَ اولی اننگز ءَ شریاس ائیر ءَ 105 وھدیکہ شبُم گِل ءَ 52 ءُ رویندرہ جڈیجہ ءَ 50 رنز اڈ کُتگ اَنت۔ وھدیکہ نیوزی لینڈ ءَ باولر ٹِم ساوتھی ءَ 5 وِکٹ ءُ کائیل جیمیسن ءَ 3 وکٹ زُرتگ۔
نیوزی لینڈ ءِ نیمگ ءَ چہ ٹوم لاتھام ءَ 95 وھدیکہ وِل ینگ ءَ 89 رنز اڈ کُتگ اَنت۔ دومی نیمگ ءَ ھندوستان ءِ باولر اکسر پٹیل ءَ 5 ءُ رویچندرہ اشوین ءَ 3 زرتگ ءُ اولی انگز وتی نام ءَ کُتگ اَت۔
دومی اننگز ءَ ھندوستان ءَ 81 اورانی تہءَ 7 وکٹ ءِ تاوان ءَ 234 ءِ ٹارگٹ داتگ ءُ نیوزی لینڈ ءَ داں لئیب ءِ آسر ءَ 9 وکٹانی تاوان ءَ 165 رنز اڈ کُتگ، ءُ لئیب گُڈ سر ءَ برابر بیتگ ۔
ھندوستان ءِ نیمگ ءَ دومی اننگز ءَ شریاس ائیر ءَ 65 وھدیکہ وریدھنام ساھا ءَ 62 رنز اڈ کُتگ اَنت ءُ نیوزی لینڈ ءِ باولر ٹِم ساوتھی ءُ کائیل جیمیسن ءَ سَے سَے وکٹ زرتگ اَنت۔
چہ نیوزی لینڈ ءِ نیمگ ءَ ٹوم لاتھام ءَ 52 رنز اڈ کُتگ وھدیکہ انڈین باولر رویندر جڈیجہ ءَ چار وکٹ زرتگ۔
اے گوازی ءِ تہ ءَ شریں لئیب کنگ ءِ پد ءَ ھندوستانی بیٹس مین شریاس ائیر ءَ پلیر آف دی میچ نامینگ بیتگ، زانگ بہ بیت شریاس ائیر ءَ اولی اننگز ءَ 105 ءُ دومی ءَ 65 رنز اڈ کُتگ۔