تربت: سلاہ بندیں مردماں پوجی چوکی ءِ سر ءَ اُرش کرتگ

بلوچستان ءِ دمگ کیچ ءَ سلاہ بندیں مردماں پاکستانی پوج ءِ چوکی ءِ سر ءَ اُرش کرتگ –

اُرش کیچ ءِ بنجاھی شھر تربت ءِ ھند سنیما چوک ءَ ھستیں پاکستانی پوج ءِ چوکی ءِ سر ءَ بیتگ –

دمگی مردمانی رد ءَ پوج ءَ جانی ءُ مالی تاوانانی دیمپانی کنگ کپتگ – اے اُرش ءَ انتزامیہ ءُ پوج ءِ نیمگ ءَ تنی وھدی دگہ ھال دیم ءَ نیتکگ اَنت-

زانگ بہ بیت اے دمگ ءَ پیسر ءَ ھم چوشیں اُرش بیتگ اَنت کہ آیانی زمہ واری بلوچ آجوئی دوستیں سلاہ بندیں گلاں منّ اِتگ اَنت بلے تنی وھدی اے اُرش ءِ زمہ واری ھچ گل ءَ پہ وت ءَ نہ زرتگ –