کورونا وائرس ءِ نوکیں رنگ اومیکرون ءِ نام ءَ پدر بیتگ

ورلڈ ہیلتھ آرگنائزیشن ءِ ردءَ کورونا ءِ نوکیں رنگ ترسانک اِنت، نوکیں رنگ ءَ اومیکرون ءِ نام دیگ بیتگ ءُ اشی ءِ تکنیکی نام بی ڈاٹ ون ڈاٹ ون فائیو ٹو نائن اِنت –

میان اُستمانی جانسلامتی ءَ نوکیں رنگ ءِ کورونا وائرس ءَ وتی مانشان پراھیں رنگے ءَ تالان کتگ ءُ اے وائرس ءِ ری انفیکشن ءِ ترس آ دگہ دراھیناں گیشتر اِنت –

کورونا ءِ نوکیں رنگ ءِ کیس درستاں پیسر زرباری افریقہ ءَ رپورٹ بیتگ – زرباری افریقہ ءَ اے رنگ ءِ پدر بیگ ءَ پد کورونا ءِ رنگ بوٹسوانا، بلجیئم، ہانگ کانگ ءُ اسرائیل ءَ پدر بیتگ –

پدر بیتگیں کورونا ءِ نوکیں رنگ جینیاتی ڈھانچہ ءَ چہ گیش بدلی گندگ ءَ اتکگ – سائنسداناں اے نوکیں رنگیں وائرس باز ترسناک نامینتگ – سائنسدانانی گوشگ اِنت اے نوکیں رنگ ءِ کورونا درستاں گیشتر ترسناک اِنت –

زانتکارانی گوشگ اِنت اے اومیکرون ءِ رنگ ءَ مارا اجکہ کرتگ پرچاکہ اشی ءَ چہ مئے گمانانی تہ ءَ باز بھبیانکی اتکگ – زانتکارانی رد ءَ کورونا اومیکرون ءِ رنگ پنجاہ رنگ ءَ بدلی گندگ ءَ اتکگ – اشی ءَ پیسر درستاں گیشتر ترسناک زانگ بیتگیں رنگ ڈیلٹا ءِ تہ ءَ بس دو بدلی بیتگ اَنت –

زانتکارانی گوشگ اِنت کہ اے رنگ ءِ تہ ءَ گیشتر اجکہ ناکیں چیز سپائک پروٹین کہ ھما ویکسین ءَ نشانگ کنت کہ آئی ءِ تہ ءَ بس سِی جینیاتی بدلی ھست اَنت –

اے وائرس ءِ رنگ ءِ چارگ ءَ پد ما دیستگ کہ آئی ءِ ھما بھر درستاں انسانی جان ءَ اسرمند کنت آئی ءِ برزی دَہ ءَ جینیاتی ءِ بدلی ءَ اِنت –

جانسلامتی ءِ زانتکاراں اے گمان پدر کرتگ کہ بیت کنت اے رنگ گیش شنگ ءُ تالان بیتگ ءُ زرباری افریقہ ءِ بازیں اُستاناں ھست اِنت –

داں انیگ ءَ اے نوکیں رنگ ءِ نادراھی ءَ بازیں کچے ءَ اسرمندیں مردم دیم ءَ اتکگ اَنت گیشتریں کیس زرباری افریقہ ءِ اُستان گوٹنگ ءَ دیم ءَ اتکگ اَنت – بلے لھتے اسرمند دری ڈیھاں ھم ھست اَنت کہ آیانی تہ ءَ یورپ، زرباری افریقہ ءِ ھمساھگ ءُ اسرائیل ءَ اَنت –

افریقی ڈیھ بوٹسوانا چار اسرمند دیم ءَ اتکگ اَنت ھمے وڑ ھانگ کانگ ءَ یکے پدر بیتگ کہ آئی ءِ بارو ءَ گوشگ بیگ ءَ اِنت اے مرد زرباری افریقہ ءَ بیتگ –

جانسلامتی ءِ زانتکارانی گوشگ اِنت اے ناوشیں ھالانی پدر کنگ المی اِنت اے رنگ ءِ ترندی ءَ تالان بیگ ءَ اِنت ءُ اشی ءِ واستا ویکسین چنکس زوامند اِنت –