مشکے: سرکاری پلامری ءَ جوڑ بیتگیں ٹولی ءِ سر ءَ اُرش، یک کارندھے بیران، دو زدگ

بلوچستان ءِ دمگ آواران ءَ سلاہ بندیں مردماں سرکاری پلامرزی ءَ جوڑ بیتگیں ٹولی ءِ سر ءَ اُرش کرتگ، یک مردمے بیران ءُ دو زدگ بیتگ اَنت –

گیشیں ھالانی رد ءَ آواران ءِ دمگ مشکے گجر بازار ءَ سلاہ بندیِں مردمانی سر ءَ اُرش ءَ ھارون ء شکل بیراب ءُ دو زدگ بیتگ اَنت –

دمگی مردمانی رد ءَ اے مردمانی سیادی سرکاری پلامرزی ءَ جوڑ بیتگیں ٹولی ڈیتھ اسکواڈ ءَ اِنت –

بلوچ آجوئی پھناتانی گوشگ اِنت کہ پاکستانی پوج ءُ چیریں ادارھاں بازیں کچے ءَ مردم سلاہ بند کرتگ اَنت آیانی نام گیشتر ڈیتھ اسکواڈ ءِ نام ءَ زانگ بیت اِنت-

بلوچ راجداری تکاں ھمے گوشگ بیت اِنت کہ اے ٹولی پاکستانی پوج ءَ بلوچ زرمبشت ءِ ھلاس کنگ ءَ جوڑ کرتگ ءُ پوج ءَ سرجمی ءَ آئی ءَ را مھار گٹ ءَ داتگ اَنت کُشت ءُ کوش ءُ چاگردی سلکاریاں ھوار اَنت –