یونس داؤد ءِ شھیدی ءَ ھواریں دو پاکستانی دلارانی پجّار بوتگ۔ بی آر اے

گل سنگت ءَ شھید کنوکیں دو ریاستی دلارانی پجار بوتگ اَنت – بیبگر بلوچ

بلوچ آجوئی لوٹوکیں سلاہ بندیں گل بلوچ ریپبلکن آرمی ءِ جارکش بیبگر بلوچ ءَ رسانکدراں وتی شنگ کتگیں درشان ءِ تہ ءَ گوشتگ کہ کامریڈ یونس داؤد پنام ء کامریڈ میراس ء ملا داؤد جھمنند دشت زرّیں بگ گوستگیں روچاں روکپتی بلوچستان ءِ تیاب دپی شھر چھبار ءَ پاکستان ءِ دودلاراں شھید کتگ ۔

آئی ءَ گوشتگ کہ کامریڈ یونس داؤد سال دوھزار دوازدہ ءَ راجی آجوئی ءِ سلاہ بندیں جنگ ءَ گل ءَ گوں بندوک بوتگ۔ کامریڈ میراس بلوچی زبان ءِ جوانیں شائر ءُ ندکارے بوتگ۔ آئی ءَ گَل ءِ رسانکدر ءِ یک کاری ئیں باسکے بوتگ۔ گل پہ آئی ءِ جاڑی تبی ءُ بے مَٹّیں کِرداں پہ آئی ءَ ستک شانی ءُ سھریں دروت ندر کنت ءُ کول کنت کہ پہ سرڈگار ءِ آجوئی ءَ شھیدانی رتکگیں ھونانی سیراپی ءِ ھاترا بلوچ گلزمین ءَ پہ زورگیریں پاکستان ءَ دوزہ جوڑ کنت۔

جارکش ءَ گوشتگ کہ کامریڈ یونس ءِ شھید کنگ ءَ تیاب دپی شھر گوادر ءَ بلوچ دوزواہ ءِ دروشم ءَ اتکگیں دو پاکستانی چریک فھد ء واجد ءُ حفیظ ء واجد ءَ پہ پندل ءِ سر ءَ شھید کتگ ءُ گوں پوج ءِ کُمکّاری ءَ تتکگ اَنت ءُ گوادر ءَ شتگ اَنت۔ مئے گوں گوادر ءِ زانتی ءُ سمائی ئیں مھلوک ءَ دزبندی اِنت کہ ھمے چریکاں چہ دور بہ بنت۔ کہ آھاں پہ چندے زَر ءِ ھَوَس ءَ بلوچ سرڈگار ءِ یک گرانکدریں پُسّگے شھید کتگ۔ ءُ مئے گل زوتاں ھمے چاریگاں آسرے ءَ سر کنت۔