زیارت ءَ لیوز لشکر ءِ سر ءَ بوتگیں اُرش ءِ زمّہ واری بی ایل اے ءَ منّ اِتگ

الم بوانیت

ما پیش ءَ مہ کن کُتگ کہ پولیس ءُ لیویز زورگریں پوج ءِ گوشگ ءِ پد ءَ بلوچ زرمبشت ءِ دیم ءَ مِک مہ بیت – جئیند بلوچ

بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ زیارت ءَ لیوز فورس ءِ سر ءَ بوتگیں اُرش ءِ زمّہ واری منّ اِتگ ءُ گوشتگ کہ مئے سرمچاراں زیارت ءَ زورگریں پوج ءِ لیویز فورس تراک ناکیں شوروانی نشانگ جوڑ کرتگ – اُرش منگی ڈیم ءَ کنگ بوتگ تراکناکیں شوروانی تراک ءَ گاڑی سرجمی ءَ تباہ بوتگ، چریشی ءَ لیویز فورس ءِ شش کارمند مرتگ اَنت کہ آھانی تہ ءَ میجر زمان زندرہ، نائب رسالدار مدثر، سپاھی زین اللہ ءُ دگہ ھوار انت –

جارکش ءَ گوشتگ کہ اشی ءَ پیش ما گڈی رند ءَ ھشت اگست ءَ رسانکدراں وتی شنگ کرتگیں درشان ءِ تہ ءَ اے مکن کرتگ کہ پولیس ءُ لیویز وڑیں فورس کہ آئی ءِ تہ ءَ گیشتر بلوچ انت آ زورگریں پاکستان ءُ آئی ءِ پوج ءِ گوشگ ءِ پد ءَ آجوئی زرمبشت ءِ دیم ءَ مک مہ بہ انت اگاں ناں آھانی سر ءَ ترندتریں اُرش کنگ بیت اِنت بلے اے پوج تچکی ءَ زورگریں پوج ءِ کمک ءُ بلوچ زرمبشت ءِ بگیری ءَ کار کنگ ءَ ھوار بوتگ انت –

جارکش ءَ گوشتگ کہ ما یکرندے پد ءَ لیویز فورس ءُ پولیس ءَ مکن کنیں کہ آ یکجاہ یا لس دروشم ءَ بلوچ زرمبشت ءِ دیم ءَ مک مہ بنت اگاں ناں اشانی سر ءَ گیشتر اُرش کنگ بنت-

نوکتریں