بیست ءُ سَے جولائی ءَ بندات بیتگیں اولمپک گوازی داں ھشت اگست دوھزار ءُ بیست ءُ یک ءَ جرمنی ءِ شھر ٹوکیو ءَ برجاہ بنت۔
اولمپکس 2020 ءَ دوسد ءُ پنجاہ ملک ءُ یک پناگیرانی ٹیم ءِ ھم بھر زیرگ ءَ اِنت۔ جھان ءِ مستریں لیبی مراگش ءِ تہءَ 11,090 لئیبی 33 جتاھیں لئیبانی تہ ءَ بھر زیر اَنت کہ اے لئیبانی 330 میڑ برجاہ دارگ بنت ءُ لئیب پنجاہ جتائیں رھبندانی سر ءَ بندوک بنت۔
داں اے وھد ءَ چین جھان ءِ مستریں لئیبانی مچی اولمپکس 2020 ءَ گوں 23 گولڈ میڈل ءَ گوں مستری کنگ ءَ اِنت، وھدیکہ امریکہ گوں 20 میڈل ءَ دومی ءُ جاپان گوں 17 میڈل ءَ سئمی نمبر ءَ اِنت۔
وھدیکہ پناگیرانی جھگیری کنوکیں لئیبیاں داں اے وھد ءَ ۱۲ گولڈ میڈل وتی نام ءَ کُتگ ءُ پنچمی نمبر ءَ اَنت۔ دومی نیمگ ءَ انڈیا ءُ پاکستان ءَ یک ھم گولڈ میڈل ءِ داں انگت وتی نام ءَ کُت نہ کُتگ ۔
زانگ بہ بیت اولمپکس 2020 کرونا وائرس ءِ سوب ءَ دوھزار ءُ بیست ءَ برجاہ دارگ نہ بیتگ اَنت ءُ ھمے سال ءَ جاورانی گھتری ءَ پد جولائی داں اگست 2021 ءَ برجاہ دارگ بیگ ءَ اَنت-
زانگ بہ بیت دوھزار شانزدہ ءَ برازیل ءِ شھر ریو ءَ برجاہ بوتگیں اولمپکس امریکہ ءَگوں 46 گولڈ میل ءَ وتی نام کُتگ اَت وھدیکہ برتانیہ گوں بیست ءُ ھپت میڈل ءَ دومی ءُ چین گوں بیست ءُ شش میڈل ءَ سئمی نمبر ءَ بیتگ اَنت۔