کوھلو ءَ زردوئی نادراھی شنگ تالان بوتگ ءُ بازیں کچے ءَ مردم نادراھی ءِ آماچ اَنت

سربوتگیں ھالانی رِد ءَ بلوچستان ءِ دمگ کوھلو ءُ بارکھان ءَ زدوئی ءِ نادراھی شنگ ءُ تالان بوتگ چریشی ءَ ھردو دمگانی بازیں مردمے نادراھی ءِ آماچ بوتگ اَنت ءَ مردمانی بیرانی ترس ھست انت –

دمگی اھوالکارانی رِد ءَ وزیر اعلی بلوچستان ءِ نیمگ ءَ “فری یرقان مہم چلائینگ ” بوگ ءَ انت بلے اے درگت ءَ کوھلو ءُ بارکھان ءَ چہ ھچ وڑیں گامگیج زورگ نہ بوتگ اَنت ، کوھلو ءَ زردوئی ءِ بی کے ءِ ویکسین دئیگ بوتگ بلے اشی ءَ ابید ھچ وڑیں گامگیج زورگ نہ بوتگ – آھانی رِد ءَ اے وھدی کوھلو ءَ ویکسین ءِ انکس لوٹ نیست بلکیں ھما مردم کہ نادراھی ءِ آماچ انت آھانی مپتی الاج ءَ ابید ھنچیں گامگیج زورگی انت کہ مردم ایش نادراھی ءَ چہ رکیت بہ کن انت – آھانی رِد ءَ ویکسین ھما مردم ھم جت کنت کہ جاندراہ انت ءُ بی کے زردؤئی ءَ زردوی سی گیشتر ترسناک انت بلے اشی ءِ ھاتر ءَ ویکسین ءِ جند نیست انت اے وھدی سدانی کچ ءَ مردم زردوئی نادراھی ءِ آماچ انت مرگ ءُ زند ءِ میان انت –

آھانی رِد ءَ اے درگت بلوچستان ءِ سرکار چونیں گامگیج زورگ انت اے نادراھی پرچا کجام سوب ءَ گیش بوان انت بلے اے درگت ءَ بلوچستان ءِ ھکومت ءُ فری زردوئی ءِ سر ءَ کارکنوک ھچ گوشگ ءَ نہ انت – ھمے گمان کنگ بیت کہ چریشی ءَ ھمے پدر بیت کہ اے پروگرام ءَ گریبیں مھلوک ءُ زردوئی ءِ آماچ بوتگیں مردمانی ھاتر ءَ سوبین نہ بیت انت –

دومی نیمگ ءَ بارکھان ءِ ھم جاور ھال ھمے وڑ ءَ انت اود ءَ ھم مردم زردؤئی ءِ آماچ بوان انت ـ عشانی، باغو، رکنی، رڑکن ءَ ھوار دگہ دمگاں نادراھی تالان بوان انت اود ءِ ڈاکٹری ءَ گوں اھوالکاراں تران کنان ءَ گوشتگ کہ دوریں کوچگی مردماں اے نادراھی ءِ درگت ءَ سرپدی نیست وھدیکہ آ پھم انت کہ آھاں زردوئی ءِ نادراھی انت تنا وھدی آھانی چم زرد تر انت ءُ تپ اش گیپت – اے ھما اسٹیج انت کہ آ سک نادراھ بنت چریشی ءَ جگر ءِ نادراھی ءِ ھم آماچ بنت – اشی ءَ پد ھم الاج ءِ ھچ وڑیں سھولت ءِ نیست انت –
اے درگت ءَ بلوچستان ءِ سرکار ءَ چہ لوٹ کنگ بوتگ کہ اشی ءِ درگت ءَ جوانیں گامگیج ءِ زورگ بہ بیت ءُ اے نادراھی چہ ھنڈالاں ھلاس کنگ بہ بیت –