دستونک: ندر پہ راجی سروک واجہ الله نزر ءِ نام ءَ
شائر: سلیم ناز
منی رهشون منی رهبر
پہ تو کربان مئے ساه ءُ سر
ترا الله مہ کنت هچّی
او راج ءِ پُلّیں شیریں نر
هزار سال ءَ تو هست بات ئے
بہ شَنز اَنت تئی سر ءَ جمبر
بلوچ ءِ نام تو زندگ کُت
تو ئے چاکر تو ئے کمبر
تئی دژمن پروش وارتگ نوں
نشانی اَنت هما سَنگر
تو جنگ ءَ نوکیں رنگے دات
بَداں پہ بوتگ ئے مَھشر
سلیم کول اِنت من ءَ زند ءَ
گلام اِنت راج نہ باں واتر