روکپتی بلوچستان ءَ سلاہ بندیں مردمانی تیرگواری ءَ یک مردمے بیران

سر بیتگیں ھالانی رد ءَ روکپتی بلوچستان ءِ دمگ بمپور ءَ سلاہ بندیں مردمانی تیرگواری ءَ یک مردمے بیران بیتگ –

بیران بیتگیں مردم ءِ پجار نبی بکش ء الاھی جھمنند فیروز آباد بمپور ءِ نام ءَ زانگ بیتگ –

ھالانی تہ ءَ گوشگ بیتگ کہ نبی بکش روگ ءَ بیتگ ءُ سلاہ بندیں مردماں آئی ءِ سر ءَ تیرگواری کرتگ ءُ کُشتگ –

روکپتی بلوچستان ءَ گیش بیوکیں کُشت ءُ کوشانی تہ ءَ گیشی آیگ گندگ بیگ ءَ اِنت –

روکپتی بلوچستان ءَ بلوچ سیاسی مردمانی گوشگ اِنت کہ کُشت ءُ کوشاں ھما مردم کنگ ءَ اَنت کہ آ سرکار ءِ چیریں ادارہ اطلات ءِ نیمگ ءَ سلاہ بند کنگ بیتگ اَنت –

آیانی گوشگ اِنت کہ اے گیشتریں مردم اے سلاھاں یا وتی زاتی رنگ ءُ یا دُزی ءِ پُشت ءَ کارمرز کنگ ءَ اَنت – کُشگ بیتگیں نبی بکش ءِ کوش ءِ سبب زانگ نہ بیتگ –