بلوچستان ءَ کرونا وائرس ءَ پنجاہ ءُ ھپت نوکیں کیس رپورٹ

سربوتگیں ھالانی رِد ءَ بلوچستان ءِ تہ ءَ جھانی وبا کرونا وائرس ءِ نادراھی ءَ آماچ بوتگیں پنجاہ ءُ ھپت دگہ نوکیں کیس دیم ءَ اتکگ ءُ اے وھد ءَ کرونا وائرس ءَ آماچ بوتگیں درسیں مردمانی کچ نوزدہ ھزار ءُ نُھ سد ءُ نود ءُ نُھ ءَ سر بوتگ اَنت –

جاندراھی بنشون ءِ نیمگ ءَ چہ شنگ بوتگیں رپورٹ ءِ رد ءَ گوستگیں بیست ءُ چار ادارانی میان ءَ بلوچستان ءَ کرونا وائرس ءِ نادراھی ءَ آماچ بوتگیں دگہ پنجاہ ءُ ھپت نوکیں کیس رپورٹ بوتگ ءُ بیست ءُ ھپت وش بوتگ اَنت –

رپورٹ ءِ رِد ءَ بلوچستان ءِ تہ ءَ چار شمبے روچ ءَ ھشت سد ءَ شانزدہ مردم ءَ کرونا نادراھی ءِ ٹیسٹ کنگ بوتگ اَنت کہ آھانی تہ ءَ پنجاہ ءُ سَے شال، دو سبی ءُ چاگی ءُ ژوب ءَ یک یک ٹیسٹے کنگ بوتگ اَنت – بلوچستان ءِ تہ ءَ کرونا نادراھی ءَ آماچ ءَ بوتگیں مردمانی کچ نوکیں کیساساں ھوار سرجمی ءَ نوزدہ ھزار ءُ نُھ سد ءُ نود ءُ نُھ ءَ سر بوتگ اَنت –

رپورٹ ءِ رِد ءَ جھانی وبا کرونا وائرس ءِ نادراھی ءَ بیران بوتگیں مردمانی کچ درسی دو سد ءُ دوازدہ انت –

رپورٹ ءِ رد ءَ بلوچستان ءِ تہ ءَ جھانی وبا کرونا وائرس ءِ نادراھی گیشتر تالان بوگ ءِ برزی شش بما نُہ در سد انت –