روکپتی بلوچستان ءَ ایرانی چیریں ادارھاں یک مردمے آوار جتگ

سر بیتگیں ھالانی رد ءَ روکپتی بلوچستان ءِ دمگ پنوج ءَ ایرانی چیریں ادارھاں یک مردمے آوار جتگ ءُ برتگ –

اھوالکار ءِ رد ءَ گوستگیں شپ ءَ پنوج ءِ ھند رمش ءَ ایرانی چیریں ادارھاں یک لوگے ءَ دور کرتگ ءُ اود ءَ عالم رائسی ءِ دزگیر کرتگ ءُ برتگ اِت –

چاگردی رسانکجاھاں روکپتی بلوچستان ءَ بندوکیں چاگردی رسانکجاہ کارمرد کنوکانی گوشگ اِنت ایرانی چیریں ادارہ ھروھد ءَ ابید ء ارزی نامہ ءَ لس مردمانی لوگاں دور کن اَنت ءُ اود ءَ جاڑیگیں مردماں دزگیر کن اَنت ءُ بیگواہ کن اَنت –

رمیش پنوج ءُ کتیج ءَ ھواریں میتگے کہ پنچ سال پیسر آئی ءِ آبادی ھپت سد ءُ دو بیتگ –