گومازی ءَ بُلبُل ھوزئی ءُ شھید اسمائیل ءِ میان ءَ پُٹبال گوازی

بُلبُل ھوزئی مند ءَ شھید اسمائیل تمپ ءِ دیم ء چار گول ءَ باج برتگ ءُ گوازی وتی نام ءَ کرتگ –

بنام ءِ شھید چئیرمین دوست محمد شھید تاھر، شھید محبوب ءِ یات ءَ برجم داشتگیں ٹورنمنٹ گومازی اسکول پٹبال پٹ ءَ مروچی کواٹر فائینل ءِ گُڈی گوازی کنگ بوتگ –

مروچگیں گوازی بُلبُل ھوزئی مند ءُ شھید اسمائیل تمپ ءِ میان ءَ بوتگ ، دؤئیں ٹیمانی لیبیاں گوں جوانی ءَ لیب داشتگ – شھید اسمائیل تمپ ءَ یک گولے داتگ وھدیکہ بُلبل ھوزئی ءَ چار گول داتگ ءُ باج برتگ، شھید اسمائیل ءِ ٹیم پروش داتگ-

گچینی مھمان ماسٹر عظیم آزگ، نصیر بلوچ ،ملا سگیر ءُ ھلیل نیکی ءَ دؤئیں ٹیمانی لیبی دلبڈی داتگ ءُ آھانی ستاشانی کرتگ –

زانگ بہ بیت مروچی گومازی اسکول پٹ ءَ برجاھیں پٹبال گوازی ءِ کواٹر فائینل ءِ گڈی گوازی کنگ بوتگ، اے ٹورنمنٹ آل ڈسٹرکٹ بست ءُ شش ٹیماں بھر زرتگ آھانی تہ ءَ کواٹر فائینل ءَ سَے ٹیماں دیمے ٹیم پروش داتگ وت ءَ سیمی فائینل ءَ جاہ داتگ وھدیکہ ون اسٹار گومازی سیمی فائینل ءَ لیب دارگ بیت اِنت –