گومازی ءَ وپا کُنشکلات ءُ ساچان بلو ءِ میان ءَ پُٹبال گوازی، اولی راؤنڈ آسر

وپا کونشکلات ءَ ساچان بُلو مند ءِ دیم ءَ سَے گول ءَ باج برتگ گوازی وتی نام ءَ کرتگ –

بنام ءِ شھید چئیرمین دوست محمد شھید تاھر، شھید محبوب ءِ یات ءَ برجم داشتگیں ٹورنمنٹ گومازی اسکول پٹبال پٹ ءَ مروچی اولی راؤنڈ ءِ دوازدھمی گوازی کنگ بوتگ –

مروچگیں گوازی وپا کُنشکلات ءُ ساچان بُلو مند ءِ میان ءَ بوتگ ، دؤئیں ٹیمانی لیبیاں گوں جوانی ءَ لیب داشتگ – وپا کُنشکلات ءَ سَے گول داتگ ءُ باج برتگ- ساچان بُلو ءِ ٹیم پروش داتگ-

تمپ ءَ چہ اتکگیں مھماناں دؤئیں ٹیمانی لیبی دلبڈی داتگ ءُ ٹورنمنٹ ءُ لیبیانی ستاشانی کرتگ-

زانگ بہ بیت مروچی گومازی اسکول پٹ ءَ برجاھیں پٹبال گوازی ءِ اولی راؤنڈ ءِ دوازدھمی گُڈی گوازی کنگ بوتگ، اے ٹورنمنٹ آل ڈسٹرکٹ ءَ بیست ءُ چار ٹیماں بھر زرتگ، آھانی تھا دوازدہ ٹیماں جوانی ءَ لیب داشتگ ءُ دیم ءِ ٹیم پروش داتگ انت ءُ وت ءَ دومی راؤنڈ ءَ جاہ داتگ –

گومازی ءَ برجاھیں ٹورنمنٹ بلوچی زبان ءِ شائر اختر عمر ءُ محبوب ءِ کسترین برات ھماد بلوچ ءِ چیر دستی ءَ برجم دارگ بوتگ –