کراچی ءَ چینی جھمنندانی سر ءَ اُرش، اُرش ءِ زمّہ واری بی ایل ایف ءَ منّ اِتگ

لیاری ءَ چینی جھمنند نشانگ کتگ، کہ آ سرکار ءِ چیردستی ءَ بوتگ اَنت ءُ سندھ سولڈ ویسٹ منیجمنٹ بورڈ ءِ پیلڈ ائیریا تر ءُ تاب ءَ بوتگ اَنت – میجر گْوھرام بلوچ

سربوتگیں ھالانی رِد ءَ کراچی ءِ دمگ لیاری ءَ شاہ ابدالتیپ بھٹائی دگ ءَ کمیلا اسٹاپ ءِ نزیک ءَ ناشناسیں سلاہ بندیں مردمانی تیرگواری ءَ چینی جھمنندے ءَ ھوار دو مردم زدگ بوتگ اَنت-

ھالکارانی رِد ءَ چینی جھمنند کراچی ءِ دمگ ساؤتھ سٹی ءَ یک کمپنی یے ءِ کارمند اَنت – اُرش ءَ پد سئیں ٹپی بوتگیں مردم نادراھجاہ ءَ سرکنگ بوتگ انت –

دومی نیمگ ءَ بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گْوھرام بلوچ ءَ رسانکدراں وتی شنگ کرتگیں درشان ءِ تہ ءَ چینی جھمنندانی سر ءَ بوتگیں اُرش ءِ زمہ واری منّ اِتگ ءُ گوشتگ کہ مئے سرمچاراں لیاری ءِ دمگ بغدادی ءَ چینی جھمنندانی سر ءَ اُرش کُتگ کہ آ سرکار ءِ چیردستی ءَ بوتگ اَنت ءُ سندھ سولڈ ویسٹ منیجمنٹ بورڈ ءِ فیل ائیریا تر ءُ تاب ءَ بوتگ اَنت –

میجر گْوھرام بلوچ ءَ دیمتر ءَ گوشتگ کہ چین ءَ بلوچستان ءِ تہ ءَ تچکی ءَ دزمانجنی ءُ پاکستان زورآوریں پالیسیاں ھوار بوگ ھچ وڑ نہ منیں – اے درگت ءَ ما باز پیش ءَ چین ءُ چینی کارندہ مکن کرتگ انت – پاکستان بلوچانی چُکچینی ءَ کنگ ءَ انت اگاں چین یا دگہ مُلکے اے کُتکاریاں پاکستان ھمایت ءُ کمک ءَ کنت گڑا ما وتی رکینگے ھک ءَ دارین –

گڈسر ءَ بی ایل ایف ءِ جارکش میجر گْوھرام بلوچ ءَ گوشتگ کہ دمگی مردم سامراجی چینی کارندھاں چہ گستہ بہ بنت، ءُ ما دری سرمایہ کاراں یکرندے پد ءَ مکن کنیں کہ آ اد ءَ سرمایہ کاری مہ کن انت –