نبشتانک: چو دزگزی اِنت پرچا
نبشتکار : شادین شاد
دی بلوچستان پوسٹ
بلوچ ءِ جنگ ھمنچو دیم ءَ روان انت جنگ ءِ تہ ءَ نزوری ءُ کوتائی ھمنچو گیش بوان اَنت فردانی ھاکمیت ودان ءُ گیش بوان اِنت ۔
سیاسی ءُ مزاحمتی گَلانی تہ ءَ اختلافات الم بنت بلے اختلافات گَل ءُ ادارہ ءِ دیمروی، رودینگ ءُ مھکم ءُ دارگ ءِ واستہ دارگ بنت۔
دنیا ءِ تہ ءَ کجام گَل ءُ ادارہ بہ بنت اگاں آوانی تہ ءَ شرگداری ءُ اختلافات مہ بیت آ ھچبر دیمروی کت نہ کن اَنت ۔
ھیر من وتی سرھال ءِ سر ءَ کایاں اے جنگ بلوچ راج ءِ آکبت ءِ جنگ اِنت بلوچ ءِ پجار ءُ وت واجھی ءِ جنگ اِنت ادا کس چہ کس ءَ بالاتر ءُ کس چہ کس ءَ کمتر نہ اِنت ۔
جنگانی تہ ءَ تمردیں جزبگ ، مھکمیں ایمان ءُ بولان ءِ کوھ ءِ دروشمیں حوصلاھانی پکار اِنت نیکہ زات ءُ زریات ءِ داشتگیں بدیں ھیالانی ۔
انسان ءِ پجار چہ آئی کردار ءَ بیت اگاں شر ءُ گَندگ گُشگ بہ بیت چہ وتی کردار ءَ نیکہ زات ءُ زریات ءِ نام ءَ ، اگاں مرچی دگنیا ، جھان ءُ مئے بلوچ راج وتی راجی بامرد ءُ شیرزالاں کدر ءُ قیمت دنت تہ آئی کردار ءِ سبب ءَ اے جُست ءَ نیکہ مھزبیں دنیا کنت نیکہ بلوچ راج کہ اے بامرد یا شیرزال کجام ٹک ءُ زات ءِ مردمے ، ۔
اے کُلیں ھبراں باوجود بلوچ لیڈر شپ بھر ءُ بانگ ءِ آماچ اِنت ۔
دُرست پہ بلوچ جنگ ءَ اَنت درست پہ بلوچ مرگ ءَ اَنت بلے چو پرچہ اَچ ھمے شھیداں یکے ماِ سرے نپت ءَ یکے ءَ پادانی چیر ءَ ہم جاھ نیست ۔
بلوچ مزاحمتی گَل بی ایل ایف ءَ گوں بندوکیں شھید کہ ھمے گَل ءِ ممبر بوتگاں سالانہ رپورٹ شنگ کنگ بوتگ بلے ھمے راجی شھیدانی تہ ءَ یکے شھید لیفٹیننٹ اکیل دلمراد بلوچ عرف آزاد بلوچ جاھ گیشکور اے شھید ءِ نام گون نہ اِنت، اے یک رَدی ءِ یا پہ کسدن درگُزری ءِ۔۔۔۔۔۔؟
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔