دالبندین ءُ تمپ ءَ تیرگواری، دو مردم بیران

بلوچستان ءِ دمگ دالبندین ءُ تمپ ءَ تیرگواری وئیلاں دو مردم بیران ءُ یکے زدگ بیتگ –

سر بیتگیں ھالانی رد ءَ دالبندین ءِ دمگ ڈنو ءَ ناشناسیں مردمانی تیرگواری ءَ یک مردمے بیران بیتگ ءُ یکے زدگ بیتگ – جون ءُ زدگ بیتگیں مردن پرنس فھد نادراہ جاہ ءَ برگ بیتگ اَنت کہ اود ءَ بیران بیتگیں مردم ءِ پجار عبدلمنان نوتیزی ءِ نام ءَ زانگ بیتگ –

ھمے وڑ ءَ تمپ ءِ دمگ نزر اباد ءَ ناشناسیں پرپٹ سوارانی تیرگواری ءَ برکت نامیں مردمے بیران بیتگ –

بلوچستان ءِ جتا جتائیں جاھاں وھد وھد ءِ سر ءَ تیرگواریاں لس مردم بیران ءُ زدگ بیگانی ھال پیداک اَنت –

بیتگیں ھردوکانی وئیلانی بارہ ءَ گیشیں سرپدی نہ بیتگ اَنت –