بلوچ
نودان بلوچ
دی بلوچستان پوسٹ
ھو من بلوچے آں
مُھکمیں من راجے آں
سر زمین ءِ دلبند ءَ
چہ کدیم ءُ کرناں من
چہ مھر گڑھ ءَ پیداکاں
سِنگ ءُ ڈوک ءُ بانڈم آں
مئے نشان گواھی اَنت
اے بلوچ ءَ ساہ بکش اَنت
پہ نوکیں زندمانے ءَ
دلکشیں جھانے ءَ
تھاری ءَ نوں مانشانتگ
مئے گلیں اِستان ءَ
ھو بلوچستان ءَ
اے زمین ءِ بچ آں کہ
ساہ ءُ جان ءَ بکشا اَنت
پہ وتئی وتن مات ءَ
ھو من بلوچے آں
چو بانُکیں کریمہ ءَ
ڈیوا ئِے یہ دست ءَ اَت
شھر ءُ میتگاں گول اِت
اے مِرمِرانکیں آس ءَ را
دات ئِے جنگے ءِ رنگے
سُرمگیں منی بولان
داں گوادر ءُ چاغی ءَ
دیدگیں منی پُسّگ
سرمچار ءُ یاگی اَنت
تَوک ءِ سانکلاں پروشاں من
پہ وتی من باندات ءَ
ھاک ءِ وشبوہ ءِ یات ءَ
ھو من بلوچے آں
زندگی، منی مرگ ءَ
پد نوں بنا بیتیں
ما انکلابی ایں
پہ زالم ءَ جوابی ایں
سنگراں منی سنگت
نشتگاں وداریگ اَنت
پہ بام ءَ سُھب ءِ راھچاراں
ھو من بلوچے آں۔