کراچی بیگواھیں مردمانی درگت ءَ زھرشانی برجاہ

ھستیں وھدے تاکتانی زوراکی پہ جمھوریتے چادر پر دیگ ءَ چیر دیگ نہ بنت – ماما قدیر بلوچ

دی بلوچستان پوسٹ

سندھ ءِ مزن شھر کراچی ءَ وائس فار بلوچ مسنگ پرسنز ءِ زھرشانی برجاہ، زھرشانی ءَ مروچی چار ھزار ءُ یک سد ءُ ھشتاد ءُ سَے روچ سرجم بوتگ –
ایچ آر سی پی ءِ سرکماش اسد بٹ، سندھ ءِ اُستانی سروک قاضی، باسک سعید بلو ءُ انسانی ھکانی باسک ھوران بلوچ، ماھگنج بلوچ ءُ ھزاراہ کمیونٹی ءِ باسکاں بنجل ءَ اتکگ ءُ بیگواھیں مردمانی کھولانی گون ءَ دلپدردی درشان اتگ –

ھمے وھد ءَ وائس فار بلوچ مسنگ پرسنز ءِ رھشون ماما قدیر بلوچ ءَ اتکگیں مردمانی میان ءَ تران کنان ءَ گوشتگ کہ جمھوریت وتی گپ جنگے آزاتی، انسانی ھک ءُ راجانی ھک دلگوشی، پاسبانی ءَ ھما ٹاہ انت کہ آئی ءَ پاکستانی ھاکم دری جاھاں گوشگ ءَ دم نہ بر انت ـ ھکمرانی نیمگ ءَ میان اُستمانی تک ءُ پھناتاں مدامی ھمے گوشگ بیت کہ آھاں شرپداریں انسانانی جمھوری دودمانیں بنبستانی پائدگ ءُ بازیں راجانی میان ءَ ھک ءُ یکجاھی ءِ جنت جوڑ کرتگ بلے ھستیں تاکتانی زاوراکی پہ جمھوریتے چادر پر دیگ ءَ چیر دیگ نہ بنت –

آئی ءَ گوشتگ کہ بلوچستان ءِ تہ ءَ سرکاری تاکتانی نیمگ ءَ انسانی ھکانی لگتمالی ءَ اے پوشاک دیر کرتگ – بلوچ چاگرد ءَ ھوار میان اُستمانی تک ءُ پھناتاں اے مزنیں جنگی جرم گوشگ بوتگ اَنت –

ماما قدیر بلوچ ءِ گوشگ ات کہ بلوچ راجدار ءُ چاگردی مردمانی ءُ بیگواھیں مردمانی کھولانی رِد ءَ دنیگت ءَ ھزارانی کچ ءَ بلوچ آوار جنگ ءُ بیگواہ کنگ بوتگ اَنت – بلے سرکاری ادارہ ءُ سیکورٹی ادارہ اے زوراکیانی زمہ زیرگ ءَ ساڑی نہ اَنت –

گڈسر ءَ ماما قدیر بلوچ ءَ گوشتگ کہ وتی دوستگیں مردمانی یل کنائینگے ھاتر ءَ بیگواھیں مردمانی کھولاں ھمک تَک ءُ سرکاری ادارھانی تہ ءَ وتی توار سر کتگ –