سبی ءَ ریاستی کارندھانی سرا اُرش، اُرشے زمہ واری بی آرجی ءَ من اِتگ

دی بلوچستان پوسٹ

سبی ءَ استانی چاریگارنی گند ءُ نند ءِ وھد ءَ نشانگ کرتگ انت، اُرش ریاستی ایجنٹ کموک ءَ رکیتگ اَنت- دوستین بلوچ

سربوتگیں ھالانی رِد ءَ گوستگیں روچ ءَ سبی ءَ ایکسین بی اینڈ آر ءِ لوگ ءَ ناشناسیں سلاہ بندیں مردماں دستی بمب ءِ سرا اُرش کُتگ ـاُرش ءَ ھچ وڑیں جانی تاوان نبوتگ ءُ اُرشکار دراھگ ءُ رؤگ ءَ سوبین بوتگ اَنت-

دومی نیمگ ءَ مروچی بلوچ سلاہ بندیں گل بلوچ ریپبلکن گارڈ ءِ جارکش میران بلوچ ءَ اے اُرش ءِ زمہ واری منّ اِتگ گوشتگ کہ مئے سرمچاراں گوستگیں روچ ءَ سبی ءَ بی اینڈ آر لوگ ءَ ریاستی دمگی ءُ دری دلارانی یک گند نندی مراگش ءِ سرا دستی بمب اُرش ءِ کُتگ-

جارکش ءَ گوشتگ کہ اے مراگش ءَ بلوچانی بگیری ءَ لشکر کشی چن لانچ بوھگ ءَ بوتگ، اُرش ءَ اے کارندہ کموک ءَ رکیتگ اَنت-

آئی دیمتر ءَ گوشتگ کہ اگاں اے کارندہ وتی بلوچ دژمنی ءَ یلا نہ کن انت دیمترا ترندتریں اُرش کنگ بیت-