ھیثم بلوچ ءِ نوکیں ریپ سوت گوادر ءِ جیڑھانی سر ءَ شنگ بیتگ

دی بلوچستان پوسٹ

ٹی بی پی پتر ھال ءَ سر بیتگیں ھالانی رد ءَ بلوچی زبان ءِ ریپ سوت گوشوکیں ھیثم بلوچ پنام ساونڈ کلر ءِ نوکیں سوت گوادر ءِ جیڑھانی سر ءَ چاگردی رسانکجاہ انسٹگرام ءَ شنگ بیتگ –

ھیثم بلوچ ءَ اے ریپ سوت گوادر ءَ نوک شور بستگیں ٹٹ کنگ ءِ پشدر ءَ کرتگ ریپ سوت ” گوادر مئیگ اِنت ” گوادر ءَ ما کس ءَ نہ دے ” ءِ سوت ءِ درنگازی کرتگ –

زانگ بہ بیت گوادر ءَ چپ ءُ چاگرداں ٹٹ کنگ ءِ پُشدر ءَ گوستگیں دو روچاں چاگردی رسانکجاھاں سیاسی ءُ چاگردی مردماں ھوار جتا جتائیں ازمکار وتی زھر ءِ درنگازی ءَ کنگ ءَ اَنت –

چِد ءُ پیسر ھم ھیثم بلوچ ءَ بلوچستان ءِ جاورھالانی سر ءَ ریپ سوت گوشتگ ءُ آئی ءِ سوت شریں رنگے ءَ گوشدارگ بیتگ اَنت –

بلوچی زبان ءَ ریپ سوت جنوک باز کم گندگ ءَ کاینت ءُ ھیثم بلوچ ریپ سوت ءِ ازمکاری ءَ جوانیں رنگے ءَ پیش کنگ ءَ اِنت کہ آئی ءِ ریپ سوتانی تہ ءَ بلوچستان ءِ زمین ءُ آئی ءِ مارشتانی درنگازی بیگ ءَ اَنت –