گیس لوڈ شیڈنگ ءِ بگیری ءَ زالبولانی زھرشانی، شال ءُ چمن ءِ دگ بند کنگ بوتگ –

دی بلوچستان پوسٹ

شال ءُ چمن ءِ رودراتکی شھدگ ءَ گیس پریشر کمی ءِ سوب ءَ زالبولاں دگ بند کرتگ –

زھرشانی ءِ سوب ءَ چاریں نیمگاں گاڑیانی دراجیں لین لگتگ ءُ زھرشانی کنوکاں سرکار ءِ بگیری ءَ اوگام جتگ –

زھرشانی کنوکانی گوشگ ات کہ سارتی ءِ گیش بوگے ھواری ءَ گیس گار انت چریشی ءَ مردم تکانسر انت – بازیں براں برزی ھاکمانی گور ءَ شکایت ھم برتگ بلے ھچ وڑیں گامگیج زورگ نہ بوتگ –

آھانی گوشگ ات کہ ھزاراں زرے بل ءَ ھم جم کنیں بلے انگت گیس نیست، گیس ءِ لوڈ شیڈنگ ھلاس کنگ بہ بیت اگاں ناں زھرشانی برجاہ دارگ بنت –