لورلائی دگ ءِ وئیلے ءَ سَے مردم بیران بوتگ اَنت

دی بلوچستان پوسٹ

بلوچستان ءِ دمگ لورلائی ءَ مساپر کشیں بس ءُ پرپٹ ئِے ءَ ٹکر ورگ ءَ کسانیں زھگے ءَ ھوار سَے مردم بیران بوتگ اَنت –

گیشیں ھالانی رِد ءَ بلوچستان ءِ دمگ لورالائی ڈیرہ روڈ سیاب کور ءِ نزیک ءَ ڈائیو ءَ گوں پرپٹے ءَ ٹکر وارتگ، ٹکر ورگ ءِ سوب ءَ پرپٹ ءَ سواریں سَے مردم پت چُک، چکے مات بیران بوتگ انت –

بیران بوتگیں مردمانی پجار برات خان ء حضرت نور ءُ آئی لوگی ءُ آئی ءِ شش سالی ئیں زھگ فاطمہ بی بی ھوار انت، ھر سئیں چہ لورالائی ءَ دراتکگ ءُ دیم پہ وتی گس ءَ مڑہ تنگی ءَ رؤگ ءَ بوتگ انت کہ ڈائیو ءَ دام کُتگ انت –

دمگی لیویز ءَ جون بُرتگ ءُ لورالائی ءِ نادراہ جاہ ءَ سرکرتگ ءُ اژدری چار ءُ ٹپاس ءَ پد جون کھول ءِ گور ءَ سر کرتگ انت –