اوستہ مھمد: گیرت ءِ نام ءَ زالبولے ءَ ھوار دو مردم کُشگ بیتگ اَنت

دی بلوچستان پوسٹ

سٹی تھانہ ءِ ھد ءَ ڈم شاک ءِ ھند ءَ برات ءَ وتی برات ءُ نشار کُشتگ ءُ تتکگ –

سر بیتگیں ھالانی رد ءَ ڈم شاک ءَ کوشکار عزیز اللہ دشتی ءَ گیرت ءِ نام ءَ وتی برات حبیب اللہ دشتی ءُ وتی نشار ءِ ھمراھی ءَ تیرگواری کرتگ ءُ کُشتگ ءُ تتکگ ءُ شتگ –

ھال ءِ سر بیگ ءَ شھر ءِ ایس ایچ او داود خان کوسہ ءَ پولیس ءِ ھمراھی ءَ وئیل جاہ ءَ وت ءَ رسینتگ ءُ جون چِست کرتگ ءُ ھسپتال ءَ برتگ اَنت، اود ءَ اژدری چار ءُ ٹپاس ءَ پد جون کھول ءِ گور ءَ رسینگ بیتگ اَنت –

گوشگ بیگ اِنت پولیس ءَ اشی ءِ سیمی برات منظور دزگیر کرتگ، گیشیں پَٹ ءُ پول بیگ ءَ اِنت –