سبی ءَ پاکستانی پوج ءِ گاڑی ءِ سر ءَ بمب تراک، تراک ءِ زمّہ واری بی ایل اے ءَ منّ اِتگ

سبی ءِ بمب تراک ءَ پاکستانی پوج ءِ دو کارمند کُشتگ بی ایل اے

دی بلوچستان پوسٹ

بلوچستان ءِ دمگ سبی سانگان ءَ ناشناسیں مردماں پاکستانی پوج ءِ گاڑی تراک ناکیں شوروانی نشانگ کُتگ –
پاکستانی پوج ءِ گاڑی ھما وھد ءَ تراک ناکیں شوروانی نشانگ جوڑ کنگ بوتگ وھدیکہ کہ آ سانگان ءِ دمگ لملیٹی ءَ گوازگ ءَ بوتگ انت –

تراک ءِ آسر ءَ پاکستانی پوج ءَ جانی ءُ مالی تاوان رس اِتگ –
تراک ءَ پد پاکستانی پوج ءَ دمگ وتی انگیر ءَ کرتگ ءُ پٹ ءُ پول کرتگ-

دومی نیمگ ءَ بلوچ سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ اے اُرش زمّہ واری منّ اِتگ ءُ گوشتگ کہ مئے سرمچاراں گوستگیں روچ ءَ سبی ءِ دمگ سانگان ءَ لملیٹی ءِ میتگ ءَ پاکستانی پوج ءِ تر ءُ گرد کنوکیں گاڑی آئی ای ڈی ءِ نشانگ کتگ- تراک ءِ آسرا پاکستانی پوج ءِ گاڑی ءَ باز تاوان رس اِتگ وھدیکہ پاکستانی پوج ءِ دو کارمند ھما دمان ءَ مُرتگ ءُ دگہ سَے زدگ بوتگ اَنت-

گُڈسر ءَ بی ایل اے ءِ جارکش ءَ وتی درشان ءِ تہ ءَ گوشتگ کہ دژمنیں پوج ءِ سر ءَ مئے اُرش داں بلوچستان ءِ آجوئی ءَ برجاہ مان اَنت-