ٹی بی پی پتر ءَ سربوتگیں ھالانی رِد ءَ ڈیرہ بگٹی ءِ دمگ لوپ گرا ءَ پاکستانی پوج ءِ یک بنجلے سرا اُرش کنگ بوتگ ، اُرش ءَ پاکستانی پوج ءَ جانی ءُ مالی تاوان رستگ ـ
دومی نیمگ ءَ بلوچ لبریشن ٹائیگر ءِ جارکش میران بلوچ ءَ چاگردی رسانکدراں وتی شنگ کُرتگیں درشان ءِ تھا اے اُرش ءِ زمّہ واری منّ اِتگ گُشتگ کہ مئے سرمچاراں ڈیرہ بگٹی ءِ دمگ لوپ گرا میتگ ءَ برجاھیں پاکستانی پوج ءِ چوکی ءِ سرا راکٹ ءُ دگے وتکاریں سلاھاں گوں اُرش کُتگ ـ
جارکش ءَ گوشتگ اے اُرش ءَ دو سیکورٹی کارمند مُرتگ ـ
جارکش میران بلوچ ءَ دیمتر ءَ گوشتگ کہ بیست اگست ءِ شپ ءَ ھم بلوچ سرمچاراں ڈیرہ بگٹی ءِ دمگ لوپ ءَ نوک جوڈ بؤکیں پاکستانی پوج ءِ چوکی ءِ تھا تراک ناکیں مواد ایر کُتگ تباہ کُتگ ـ
جارکش ءَ گوشتگ کہ گل ءِ کاروائی بلوچستان ءِ آجوئی ءَ تاں برجاہ مان انت ـ