دی بلوچستان پوسٹ
شال ءَ بلوچستان ءِ نودبریں گلانی ھمگرنچیں دیوان ءَ بلوچ اسٹوڈنس ایکشن کمیٹی، بلوچ اسٹوڈنس آرگنائزیشن، پشتون اسٹوڈنس فیڈریشن آزاد، پشتون اسٹوڈنس فیڈریشن، ھزارہ اسٹوڈنس فیڈریشن، کنیکٹ دی ڈسکنیکٹ، بلوچ اسٹوڈنس آرگنائزیشن پجار، پروگریسو یوتھ الائنس ءُ بلوچی اسٹوڈنس آرگنائزیشن ھوار بوتگ ءُ یکجاھیں دیوانے برجاہ بوتگ ءُ بلوچ نودر براں حیات بلوچ ءِ ابید ءِ آمیدگسی پرمان ءِ کوش ءِ بگیری ءَ یکجاھیں جد ءُ جھد ءِ سوڑگ کنگ بوتگ ـ
نودربر گلانی رھشوناں گوشتگ کہ جنگ زدگیں بلوچستان ءِ تھا کُشت ءُ کوش ھمروچیگیں کارے جوڑ بوتگ ـ زانت ءُ زانوگری ءَ چہ بندوکیں مردم یک زانتی ءِ گون ءَ نشانگ کنگ بوگ ءَ اَنت ـ نودربرانی بیگواھی یا وانگی ادارھاں ورنایاں ترس آماچ کنگ یا نشانگ کنگ ءِ وڑیں وئیل زانتے ءِ رد ءَ گوں تاکت وریں ادارھانی دست ءَ بوگ ءَ انت ـ نوں اے وڑیں وئیلانی درگزر کنگ ترس ءِ ساھگ ءِ چیر ءَ ھم بے تُرس جوڑ بوتگ ـ بلوچستان ءِ نودربر نوں ھچ اے وڑیں انسانیت کوشیں وئیلانی بگیری ءَ بے توار نہ بئیں ـ حیات بلوچ بے دردی ءَ کُشگ زلم ءُ زوراکیانی آپ سر ءَ سرگوز انت ـ حیات بلوچ ءِ کُشندہ دنیگت ءَ پدر نہ کنگ ترندیں شوربندیانی بندیانی بھر انت ـ
نودربر گلانی رھشوناں گُشت کہ 22 اگست ءَ یکجاہ بئیں ڈیھ ءَ نہ کُٹوکیں زھر شانی ءِ مھکمیں وڑے ءَ سوبمند کنیں ءُ بلوچستان بلوچستان ءَ نودربرانی زورانسری آوار جنی ءُ ابید آمیدگسی پرمانی کوش ءِ وڑیں ناوشیں جیڑھانی بگیری ءَ زوت ءَ زوت ترندیں گامگیجانی جار ءَ پرین اِنت –