دی بلوچستان پوسٹ
یونائیٹڈ بلوچ آرمی ءِ جارکش مرید بلوچ ءَ رسانکدراں وتی شنگ کرتگیں درشان ءِ تھا گوشتگ کہ گوستگیں روچ ءَ زورگریں پاکستانی پوج ءَ کیچ ءِ دمگ ھیرونک گورکوپ “سامی کلگ” ءِ کوھی دمگاں وتی زرزیریں ڈیتھ اسکواڈ ءِ ھمراھی ءَ ھوار بوتگ زمینی ءُ برزی آپریشن کُتگ- ءُ بلوچ سرمچارانی رندگیری کنان ءَ سک باز تیرگواری ءُ بمبگوار کُتگ- بلے بلوچ سرمچاراں جوانیں جوانیں جنگی رپکاں گوں دژمن ءِ اے ارش پروش داتگ ءُ وت در آیگ ءُ رؤگ ءَ سوبمند بوتگ انت-
چریشی ءَ پد زورگریں پاکستانی پوج ءَ وتی پروشی ءِ چیر دیگ ءِ ھاتر ءَ نزیک ءُ گوارے لس مھلوکانی نیمگ ءَ شتگ ءُ بازیں بے گناھیں مردم اوار جتگ ءَ بازیں لٹ ءُ کٹ کنگ ءَ پد یل داتگ انت –