تمپ ءَ ورنایے ءَ وت کُشی کُتگ

سر بیتگیں ھالانی رد ءَ تمپ ءِ دمگ نگلستان ءَ یک ورنایے ءَ وت ءَ وت پاھو داتگ ءُ کُشتگ –

دمگی مردمانی رد ءَ مروچی تمپ نگلستان ءَ نوید ء مھمد ءَ وت ءَ مَچے ءَ درتکگ ءُ وت کشی کرتگ –

دمگ ءِ لیویز ءَ ھال رسگ ءَ پد لیویز ءَ وتکُشی کنوکیں نوید ءِ کُنٹ چِست کرتگ ءُ گوں وت برتگ –

لیویز بنشون ءِ گوشگ اِنت کہ وتکُش کنوکیں ورناہ نِشہ آماچیں ورنایے بیتگ ءُ لیویز ءَ اژدری چار ءُ ٹپاس ءَ پد کُنٹ کھول ءِ گور ءَ سر کرتگ –

زانگ بہ بیت بلوچستان ءِ جتائیں جاھاں وتکُش کنوکانی لَڑ گیش اِنت کہ ھمک وھد ءِ سر ءَ مردمانی وتکُشیانی ھال پیداک اَنت –

چاگرد کارانی گوشگ اِنت کہ وتکُشی کنوکانی وتکُشی کنگ ءِ سوب بے روزگاری ءُ جتائیں وھیلانی آماچ بیگ ءَ پد ورناہ وتکُشی کنگ ءَ اَنت –