سربیتگیں ھالانی ردءَ بلوچستان ءِ دمگ مشکہ ناشناسیں مردماں پاکستانی پوج ءِ بنجل ءِ سر ءَ اُرش کُتگ ءُ سرجمیں چوکی ءَ تاوان داتگ، پوج ءَ مزنیں کساسے ءَ جانی ءُ مالی تاوانانی ھم ھال ھست۔
دمگی ھالانی رد ءَ شپ ءِ گُڈی پاس ءَ مشکہ ءِ ھنکین کرکس، پگھڑ تیر گواری ءُ بمب تراکانی تواراں زمین جکسینتگ ۔
دومی نیمگ ءَ بلوچستان لبریشن فرنٹ ءِ جارکش میجر گْوھرام بلوچ ءَ وتی درشانے ءِ تھ ءَ مشکہ ءَ پوجی چوکی ءِ سر ءَ بیتگیں اُرش ءِ زمہ واری من اِتگ۔
بی ایل ایف ءِ جارکش میجر گْوھرام بلوچ ءَ ناشناسیں جاھے ءَ گوں اھوالکاراں تران کنان ءَ گوشت کہ گوستگیں شپ ءَ مئے گل ءِ سرمچاراں مشکہ ءِ ھنکین کرکس، پگھڑ ءَ پوجی چوکی ءِ سر ءَ راکٹ ءُ دگہ ترندیں سلاھاں گوں اُرش کُتگ،
آئی ءَ گوشت بنجل ءِ سرءَ ھما وھدءَ اُرش کُتگ کہ وھدے دژمن پوج ءِ کارمند واب بیتگ اَنت ءُ سرمچار نزیک ءَ شُتگ ءُ بنجل ءِ سر ءَ گوں راکٹ دگہ ترندیں سلاھاں نشانگ کُتگ کہ چہ ایشی ءَ سئے کارمند ھما دمان ءَ مرتگ اَنت۔
جارکش ءَ گوشتگ کہ پاکستانی پوج ءِ سرا مئے اُرش چیردستیں بلوچستان ءِ آجوئی ءَ داں برجاہ مان اَنت۔