روکپتی بلوچستان ءَ کزا ءَ ئے ءَ یک زالبولے بیران

روکپتی بلوچستان ءَ کزا ءَ ئے ءَ یک زالبولے بیران

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ دمگ دلگان ءَ لوگ ءَ ایریں توپک ءَ چُک ءَ زرتگ ءُ اناگہ ءَ توپک ءَ آس برتگ ءُ چریشی ءَ تیر چک ءِ مات ءَ لَگ اِتگ ءُ مات بیران بیتگ –

دمگی مردمانی رد ءَ چُک ءِ اُمر یازدہ سال اِنت ءُ مات ءِ اُمر سِی ءُ ھشت سال اِنت-

آیاں گْوشت کہ توپک لوگ ءَ ایر بیتگ ءُ ھمے وھد ءَ کسان سالیں زھگ ءَ توپک دست ءَ کرتگ ءُ اناگہ ءَ توپگ ءَ آس برتگ –

چرے ویل ءَ پد میتگ ءِ مردماں دمگدار ءَ ھال داتگ ءُ دمگدار ویل جاہ ءَ سر بیتگ اَنت –

دمگداراں ویل ٹپاس اِتگ ءُ چاریتگ کہ ویل اناگھی ءَ بیتگ، دمگداراں ویل ءِ سر ءَ پدردی درشان کرتگ-

دمگداراں گْوشت کہ اے پدردیں ویل ءِ کہ لوگ ءِ تہ ءَ توپک ءِ ایر کنگ ءُ کسانیں زھگانی دزرس ءَ کنگ چریشی ءَ چَہ چوشیں ویل درپیش بنت –