سندھ ءِ بے رھبندیں ٹرالرز بلوچستان ءِ زِر ءَ آیگ ءَ اَنت- گوادر دریا ورد

سندھ ءِ بے رھبندیں ٹرالرز بلوچستان ءِ زِر ءَ آیگ ءَ اَنت- گوادر دریا ورد

دی بلوچستان پوسٹ

گوادر ءِ ماھیگیراں وتی شنگ کرتگیں یک بیانے ءِ تہ ءَ گْوشتگ کہ گوادر، جیوانی، پشکان، پسنی، کپر ءُ اورماڑہ ءِ زِر ءِ سیمسر ٹرالرانی الگار ءَ اِنت –

آیاں گْوشت کہ شپ ءَ روچ بے رھبندی ءَ ماھیگ گرگ ءَ اَنت ءُ اشانی ماھیگیری ءَ سرجمیں دمگ ءِ زِر ھلاس کرتگ –

آیاں وتی ھمسنتیں درشان ءِ تہ ءَ گْوشت کہ فشریز سد ءَ چَہ گیش ٹرالر نمبر کرتگ ءُ گوادر ءِ زِر ءَ وشمگار کرتگ اَنت ءُ چرایاں چَہ پوڑی گرگ ءَ اِنت ءُ گوشگ ءُ گروک نیست اِنت –

بیان ءِ تہ ءَ گوشگ بیتگ کہ اے پوڑی واری ءَ دمگی ءُ دردمگی آفیسر دپار ورگ ءَ اَنت –

چاگردی رسانکجاھاں دریاورداں گْوشتگ کہ اگاں فشریز ءَ وتی پوڑی واریں آفیسر ءُ کارمند نہ داشت اَنت گڑا دریا ورد وتی زھرشانی تہ ءَ گیشی کار اَنت ءُ دپاوار واریں آفیسرانی دارگ ءَ داں ترندین گاماں اوشتوک بہ ایں –

آیاں گْوشت کہ مھکمہ فشریز ءِ نیمگ ءَ شنگ بیتگیِ دو نوٹیفکیشنز (سمندر بندش ءُ بھاری لائیسنس فیس) اگاں زوت ءَ چَہ زوت واتر نہ کرت اَنت گڑا ھمستنیں ماھیگیر فشریز ءِ کارگس ءِ دیم ءَ زھرشانی کنت ءُ اود ءَ نندانک ھم جنت-

زانگ بہ بیت بلوچستان ءِ تیابدپی گیشتریں مردمانی لاپ والینگی تھنا زِر ءَ گوں بندوک اِنت بلے چرے زر ھم ماھیگیر ءأ ایندگاں مردماں پُلگ بیتگ –