نوشکی ءَ پاکستانی پوج ءِ دست ءَ ورنایے بیگواہ

نوشکی ءَ پاکستانی پوج ءِ دست ءَ ورنایے بیگواہ

دی بلوچستان پوسٹ

پوج ءِ دست ءَ بیگواہ بیتگیں ورناہ بلوچ نودربر گل بی ایس او پجار ءِ ڈپٹی آرگنائزر اِنت-

ٹی بی پی پتر ھال ءَ سر بیتگیں ھالانی رد ءَ بلوچستان ءِ دمگ نوشکی ءَ پاکستانی پوج ءُ چیریں ادارھاں جمالدینی میتگ ءَ گوستگیں شپ ءَ یک لوگے ءَ بیڑ برتگ ءُ یک ورنایے مئاویہ ء عبید اللہ جمالدینی دزگیر کرتگ ءُ بیگواہ کرتگ –

مئاویہ جمالدینی نودربر گل بی ایس او پجار ءِ ڈپٹی آرگنائزر اِنت –

دومی نیمگ ءَ بیگواھیں مردمانی درگیجگ ءَ ترامگامیں گل وائس فار بلوچ مسنگ پرسنز ءَ وتی شنگ کرتگیں درشان ءِ تہ ءَ مئاویہ جمالدینی ءِ یلہ کنگ ءِ لوٹ کرتگ –

زانگ بہ بیت بلوچستان ءَ بیگواھیں مردمانی جیڑہ روچ پہ روچ نگیگ بیان اِنت –

بیگواھیں مردمانی واستا شال ءُ کراچی ءَ گوستگیں یک دھکے ءَ پُرایمنیں جد ءُ جھد برجاہ اِنت –