بلوچستان ءَ پاکستانی لشکر ءِ دست ءَ بلوچ ورنایانی گیشتر نودربرانی زوریں بیگواھیانی تھ ءَ یک رند ءِ پد ءَ تیزی اَتکگ-
اھوالانی ردا بلوچستان ءِ دمگ خاران ءَ چہ پاکستانی لشکریاں گوستگیں روچ ءَ ایم فل ءِ نودربر ثناء سیاپاد دزگیری ءَ پد ناشناسیں جاھاں بُرتگ۔
اسلام آباد ءَ علامہ اقبال اوپن مزن شھدربرجاہ ءِ نودربر ثناء بلوچ خاران ءِ میتگ جوژان ءَ چہ دزگیر کنگ ءَ پد بیگواہ کنگ بیتگ۔
زانگ بہ بیت ثناء بلوچ مزن شھدربرجاہ ءَ وانگ ءَ ھوار خاران ءَ اڈ داتگیں ادبی گل نصیر کبدانی لبزانکی دیوان ءِ سروک اِنت ھم بیتگ –
یات بہ بیت پاکستانی لشکر ءِ نیمگ ءَ چہ بلوچستان ءِ تھ ءَ نامینتگیں ءُ نام نگیپتیں لشکری بیڑانی تھ ءَ گیشی اتکگ دومی نیمگ ءَ شال ءَ بیگواھیں مردمانی گیجگ ءَ وائس فار بلوچ مسنگ پرسنز ءِ زھرشانی بنجل برجاہ اِنت –
وائس فار بلوچ مسنگ پرسنز ءِ گوشگ اِنت کہ لشکری سپاھی لس مردماں آوار جن اَنت ءُ آیاں ناشناسیں زنداناں بر اَنت ءُ ھچ آمدگساں پیش اِش نہ کن اَنت وائس فار بلوچ مسنگ پرسنز ءِ رد ءَ تنی وھدی بلوچستان ءَ بے کساس مردم گار ءُ بیگواہ اَنت –