بلوچستان: پولیو ءِ دگہ سَے لنگڑی نادراھی ءَ زانگ بیتگ اَنت

ھمے سال ءَ داں انیگ ءَ بلوچستان ءَ دَہ گونڈو “پولیو ” لنگڑی ءَ گپتگ اَنت –

بلوچستان ءِ جانسلامتی ءِ پانکجنانی رد ءَ سَے جتائیں جاھاں سَے چُکاں لنگڑی ءِ ھال سر بیتگ اَنت –

پانکجن ءَ گْوشت کہ جھل مگسی، نسیر آباد ءُ ژوپ ءَ سَے چُک لنگڑی ءِ نادراھی ءَ گورجتگ اَنت ھمے وڑ ءَ بلوچستان ءَ گوزوکیں سال ءَ لنگڑی نادراھی ءَ لنگڑی چکانی کَچ دَہ ءَ سر بیتگ –

جانسلامتی ءِ پانکجن ءَ گْوشت کہ ھرسئیں جاھاں ھشت، سیزدہ ءُ چار ماھی چکے ءِ لنگڑی نشانی اتکگ اَنت –

زانگ بہ بیت بلوچستان ءَ لنگڑی نادراھی ترندی ءَ روان اِنت ءُ گوستگیں سالے درکچ ءَ اے سال ءِ بنداتی ماھانی لنگڑ گیشتر اَنت –

تبزانتانی رد ءَ اگاں ھمے جاورھال بیت اَنت گڑا بلوچستان ءِ لنگڑی چکانی کچ گیش بیت کنت –