تیرگواری ءَ چَہ زدگ بیتگیں پشتون تھپز مومنٹ(پی ٹی ایم) رھشون آرپ وزیر بیران بیتگ

گوریچانی وزیرستان ءِ دمگ وانا ءَ تیرگواری ءَ چَہ زدگ بیتگیں پشتون تھپز مومنٹ(پی ٹی ایم) رھشون آرپ وزیر شمبے ءِ روچ ءَ دردانی نہ سگگ ءَ بیران بیتگ –

وانا اسٹیشن ھاؤس آپسر(ایس ایچ او) اُزمان ھان ءَ آئی ءِ مرگ ءِ ھال راست کرتگ

زانگ بہ بیت درمانی ءَ آ پہ اسلام آباد ءَ برگ بیتگ اود ءَ آئی ءَ ساہ داتگ اَنت – چریشی ءَ پیسر یک باسکے ءَ گُشتگ اَت کہ آدینگے روچ ءَ آرپ وزیر ءِ سر ءَ وانا ء نزیک ءَ گواہ ھواہ ءَ آئی ءِ لوگ ءَ چَہ ڈن ناشناسیں گاڑی سواریں سلاہ بنداں تیرباران کرتگ –

آریپ وزیر تیرانی لگگ ءَ زدگ بیتگ اَت ءُ آ نگیگیں جاوراں بنداتی درمانی ءَ ڈسٹرکٹ ھیڈ کوارٹر نادارہ جاہ ءَ برگ بیتگ بلے پد ءَ درمانی ءَ اسلام آباد ءَ برگ بیتگ –

زانگ بہ بیت آریپ وزیر راجی پتر جاھے باسک ءُ پی ٹی ایم ءِ رھشون الی وزیر ءِ ناکوزتک اِنت –

چریشاں ابید ڈان روتاکے یک ھالے ءِ رد ءَ ویل ءَ جاڑیگیں چم دیتگیں مردماں گُشتگ کہ آریپ وزیر ءِ نگھپان ءِ تیرگواری ءَ ھم دو اُرشکار زدگ بیتگ اَنت ءُ سلاہ بندیں مردماں تیرگواری کنان ءَ تتکگ ءُ شتگ اَنت –

زانگ بہ بیت آرپ وزیر ءِ کھول ءِ ھپت مردم سال دوھزار ءُ ھپت ءَ وانا لشکری کارندھانی گون ءَ جنگ ءُ چوپ ءَ شھید بیتگ اَنت، کہ چریشانی تہ ءَ آئی ءِ پِت سادُلا جان ءُ آئی ءِ مات ءِ گھار ءِ لوگ واجہ مرزا آلم ھوار اَنت-

زانگ بہ بیت پشتون تھپز مومنٹ ھنچیں مسامے ءِ سر ءَ بیتگ گوست ءِ کوچگی دمگاں چَہ کل کرتگیں شوروانی کَشگے لوٹ کنگ ءَ ھوار کُشت ءُ کوش، بیگواھی ءُ بیدے ارزی گرزی ءَ دزگیریانی ھلاسی ءَ زور دیگ بیتگ ءُ اے وڑ کنوکیں مردمانی بگیری ءَ یک راستگ ءُ پلگارتگیں رنگے ءَ آئی ءِ لوٹ ءَ کنگ بیتگ اَنت