دشت : ایم پی اے عاصم کرد گیلو شرکت سائٹ سر ءَ اُرش، مشنری ءُ بُنجل تباہ، ایکسویٹر اُرشکاراں برتگ

شال ءَ چہ ھمگرنچ مستونگ ءِ دمگ دشت، کمبیلا ءَ سلاہ بندیں مردماں بلوچستان اسمبلی ءِ باسک عاصم کرد گیلو ءِ شرکت سائٹ سر ءَ اُرش کتگ مشنری ءُ بُنجل تباہ کتگ وھدے کہ مزنیں مشنری دستیگ کتگ-

وئیل بیگاہ ءِ وھد ءَ بیتگ، دشت کمبیلا ءَ سلاہ بندیں مردمانی مزنیں کچے ءَ دمگ انگیر ءَ کتگ عاصم کرد گیلو شرکت سائٹ وتی کنٹرول کتگ- دمگی اِھوالکار ءِ رِد ءَ سلاہ بندیں مردم دو کلاک ءَ چہ گیش اے ھند سر ءَ ساڑی بیتگ اَنت-

سلاہ بندیں مردماں مزنیں کچے ءَ مشنری ءُ سنگر تباہ کتگ اَنت وھدے کہ یک مزنیں مشنری، ایکسویٹر وتی ھمراھی ءَ برتگ-

زانگ بہ بیت عاصم کرد گیلو بلوچستان اسمبلی باسکے وھدے کہ آ گمانی پاکستانی پوج ءِ پلامرزی مردماں چہ ھوار کنگ بیت-

اُرش ءِ زمہ واری انگت ھچ گل ءَ نہ زرتگ ءُ واکدار ءَ ھم اے درگت ءَ ھچ وڑیں درشان شنگ نہ کتگ-