تربت ءَ دگہ یک لاشے دزکپتگ، گوستگیں دو ھپتگانی تہ ءَ چارمی وئیل اِنت

بلوچستان ءِ دمگ کیچ ءِ بُنجاھی شھر تربت ءِ دمگ جدگال ڈن ءَ یک مردمے ءِ لاش دزکپتگ-

نادُراھجاہ ءَ کیچ ءِ بُنجاھی شھر تربت ءِ دمگ چہ جدگال ڈن ءَ یک مردمے ءِ لاش دزکپتگ-

نادُراھجاہ ءِ گوشگ اِنت کہ بیران بیتگیں مردم ءِ پجّار قمبر علی ء خدابخش نام ءَ چہ بیتگ کہ بلیدہ ءِ دمگ سلو ءِ جھمنند اِنت- اِھوالکار ءِ رِد ءَ آ بازیں ماہ ءَ چہ بیگواہ بیتگ-

کُشگ بیتگین ءِ جسم ءِ سر ءَ تیرانی نشانگ بیتگ اَنت، چریشی ءَ چہ گمان کنگ بیگ ءَ اِنت کہ آ تیرگواری کتگ ءُ کُشتگ-

زانگ بہ بیت کہ تربت ءُ آئی ءِ کش گوراں اے وھد ءَ لاشانی دزکپگ ءِ وئیلانی تہ ءَ گیشی گندگ اتکگ- گوستگیں دو ھپتگ ءِ میان ءَ اے چارمی وئیل اِنت-