بلوچ یکجھتی کمیٹی ءَ گْوشتگ کہ شے حق رحیم ء رحیم بخش، جھمنند میناز بلیدہ، یک گریبیں کھولے ءَ چہ سیادی داروکیں نودربرے بیتگ کہ سی یک مارچ 2026 ءِ بیگاہ ءِ چار ءَ تربت ءِ بُنجاھی بازار ءَ زورانسری بیگواہ کتگ ءُ پنچ اپریل 2026 ءَ آئی ءِ لاش بانک چڑائی، پسنی دگ، تربت ءَ چگل داتگ-
آئی ءَ گوشتگ کہ اے تھنا یک کوشے نہ اِنت بلکیں بلوچستان ءَ زورانسری آوارجنیانی ءُ درکانودی کوش ءِ نمونگے، بلوچانی، ھاسکار نودربراں یکشل ءَ نشانگ کنگ یک سکیں ناانساپی ءَ پدر کنت کہ آ رد کنگ نہ بیت-
دیمتر ءَ گوشتگ کہ بی وائی سی اے گامگیج ءَ تُرندی ءَ ایر جنت کہ میان اُستمانی مردماں چہ لوٹ کنت کہ بے تواری ءَ بہ پروش اَنت- اکوام متھدہ زوت بلوچستان ءِ جاورھالانی سر ءَ دلگوش گور دیگ لوٹ اِیت-
بی وائی سی میان اُستمانی انسانی ھکانی گلاں ءُ میان استمانی ادارھاں چہ دزبندی کنت کہ زوت کاروائی بہ کن اَنت آزاتیں پٹ ءُ پول ءِ دلجمی بدے اَنت ءُ زمہ واراں جست ءِ چن ءُ لانچ ءَ بکن اَنت-