بلوچستان ءِ دمگ مستونگ ءِ ھند کردگاپ ءَ جتا جتائیں جاھاں سلاہ بندیں مردماں ناکہ بندی کتھ ءُ چیکنگ ءِ کنگ ءِ اھوال آیگ ءَ انت۔
دمگی مردمانی رد ءَ سلاہ بندیں مردماں دمگ ءِ لھتیں جاھاں کنٹرول کتگ ءُ شاھدگانی سر ءَ راہ بند کتگ کہ اود ءَ گاڑیاں پٹ ءُ پول کنگ بوھگ ءَ انت۔
دمگی مردمانی گشگ اِنت ھمے وھد ءَ پاکستانی لشکر ءَ دیم ءَ روگ ءِ کوشست کتگ کہ ایشی ءِ سبب ءَ دوئیں نیمگاں مزنیں تیرگواری بوتگ ءُ جنگ ءُ چوپ بندات بوتگ کہ انگت ءَ برجاہ اِنت۔
ھالانی رد ءَ دمگ ءَ ھیلی کاپٹر ھم بال ءَ گندگ بوتگ اَنت وھدے کہ پنجپائی ءَ دیم ءَ جنزوکیں فوجی کاروان ھم اُرش ءَ نشانگ جوڑ کنگ بوتگ۔
ایشی ءَ ابید لھتیں جاھاں پولیس ءِ کارگسانی سر ءَ ھم اُرشانی ھال انت –