بلوچستان ءُ کراچی ءَ پاکستانی پوج ءُ چیریں ادارھانی کارندھاں سے مردم آوار جتگ ءُ بیگواہ کتگ اَنت-
گیشیں ھالانی رِد ءَ کراچی ءِ دمگ چہ فقیر کالونی، عمر بلوچ میتگ ءَ میر اقبال ء حیدر بلوچ دو اپریل 2026 ءِ شپ کساس 11:30 ءَ پاکستانی پوج ءِ ادارھاں ءُ کراچی رینجرز ءِ مزنیں کچے ءَ لوگانی دیوالاں دور کتگ دزگیر کتگ-
کھول ءِ رِد ءَ اے میان ءَ کھول سک لَٹ ءُ کُٹانی نشانگ کتگ ءُ لوگ ءِ سرجمیں مردم موباھل پون برتگ اَنت-
کھول ءِ رِد ءَ میر اقبال تنی بیگواہ ءَ اِنت ءُ آئی ءِ ساڑی ءِ درگت ءَ ھچ وڑیں سرپدی دیگ نہ بیتگ- اے گامگیج تچک ءَ زورانسری آواد جنی ءُ انسانی ھکانی ءُ بُنیادی شھری آزاتیانی تچکی ءَ ھلاپ ورزی اِنت-
کھول ءَ لوٹ کتگ کہ میر اقبال ءُ زوت یل بکن اِت ءُ آئی ءِ پھازی ءَ دلجمی بدے اَنت- آ میان اُستمانی انسانی ھکانی گلاں ءُ ھمگرنچیں واکداراں چہ زوت دلگوش گور بکن اَنت ءُ کاروائی ءِ واستا ھم دزبندی کن ایں-
ھمے وڑ کیچ ءِ دمگ پیدارک ءَ سے اپریل ءَ 2026 ءَ پاکستانی پوج ءَ دو مردم آوار جتگ ءُ بیگواہ کتگ اَنت-
آوار جنگ بیتگیں مردمانی پجّار فدا بلوچ ء تاج محمد جھمنند جمک پیدارک ءُ جھانزیب بلوچ ء صابر علی جھمنند نگور دشت نام ءَ چہ بیتگ اَنت-
اے مردم پاکستانی پوج ءَ ھما وھد ءَ آوار جتگ اَنت وھدے آ پیدارک جمک سورے ءَ چہ واتر ءَ آیگ ءَ بیتگ اَنت-
تنی وھدے آیانی درگت ءَ ھچ وڑیں ھال نیست-