بلوچستان ءِ دمگ نصیر آباد ءَ پاکستانی پوج ءَ بندوکیں مشینریانی سر ءَ گوستگیں روچ ءَ ناشناسیں مردماں اُرش کتگ ءُ تباہ کتگ انت ءُ دومی نیمگ ءَ بلوچ ریپبلکن گارڈ ءَ اُرش ءِ زمہ واری من اتگ-
بی آر جی ءِ جارکش دوستین بلوچ ءَ شنگ کتگیں درشان ءَ گوشتگ گوستگیں شپ ءَ بلوچ ریپبلکن گارڈز ءِ سرمچاراں نصیر آباد ءِ دمگ ڈیرہ مراد جمالی ، ربی ءِ نزیک ءَ زورگیریں پاکستانی لشکر ءِ مشینری تراکناکیں شووراں گوں تباہ کتگ۔
جارکش ءَ گوشتگ زورگیریں پاکستانی لشکر چہ پنجاب ءَ مشنری ءِ کارندھاں آرگ ءُ بلوچستان ءِ کشت ءُ کشاری مڈیاں ھم لٹ ءُ پُل کنگ ءَ اِنت ۔ بی آر جی بلوچستان ءِ دگہ لُٹ ءُ پلی منسوبانی وڑ ءَ اے ”پوجی واپار“ ءَ نشانگ جوڑ کنگ ءِ وتی جزم ءَ پد ءَ پدر کنت ءُ ھمے وھد ءَ گوں آئی ءَ ھمگرنچیں مردماں بیھار دنت کہ آ چہ چرے کاراں دور بہ بنت اگاں نہ آ وتی تاوان ءِ ذمہ وار وت بنت۔