بلوچستان ءِ نامداریں سیاسی راھشون شھید نواب اکبر بگٹی ءِ بچ نواب زادہ جمیل اکبر بگٹی بیران بوتگ۔
کھول ءِ مردمانی رد ءَ آئی ءِ الاج کراچی ءِ این ایم سی ءِ پرائیویٹ ھسپتال ءَ بیگ ءَ بیتگ ءُ مرچی دل ءِ بند بوگ ءِ سبب ءَ بیران بوتگ۔
کھول ءِ مردماں گْوشتگ کہ نواب زادہ جمیل اکبر بگٹی لھتیں وھد ءَ چہ نادراھی ءِ آماچ بوتگ ءُ پہ درمان کنگ ءَ نادراھجاہ ءَ برگ بوتگ بلے آ نہ رک اتگ۔
نواب زادہ جمیل اکبر بگٹی ءِ سیادی چہ بلوچستان ءِ نامداریں ٹک بگٹی ءَ بوتگ ءُ جتاجتائیں وھداں بلوچ جیڑہ ءُ دمگی جیڑھانی سر ءَ وتی لیکہ ءِ درشانی کنگ ءَ بوتگ۔
آئی ءِ بیرانی ءِ ھال ءَ پد سیاسی ءُ چاگردی تک ءُ پھناتانی نیمگ ءَ چہ گم ءُ پشومانی ءِ درشانی کنگ بوھگ ءَ اِنت۔