بلوچستان ءِ تیاب دپی شھر گوادر ءِ دمگ پلیری لنک دگ سر ءَ تیرگواری ءِ یک وئیلے ءَ سے مردم بیران بیتگ- اے وئیل تھانہ صدر گوادر ءِ نزیک ءَ بیتگ-
پولیس ءِ رِد ءَ بیران بیتگیں مردمانی پجّار شناخت ٹی ٹی سی کالونی گوادر ءِ جھمنند غلام قادر ء مراد بخش، چھبار ءِ جھمنند ارشد ء ابابگر ءُ کیچ ءِ جھمنند قمبر ء بدل نام ءَ چہ بیتگ اَنت-
پولیس ءِ واکدار ءِ رِد ءَ سئیں مردم ناشناسیں سلاہ بندیں مردماں تیرگواری کتگ کشتگ- گوادر پولیس ءِ گوشگ اِنت کہ لاشانی کانودی کاروائی نادُراھجاہ ءَ برتگ اَنت-
ڈسٹرکٹ پولیس گوادر ءِ رِد ءَ وئیل ءَ گیشیں پٹ ءُ پول برجاہ ءَ اِنت، وھدے کہ میاربارانی پٹ ءُ پول گامگیج زیرگ بیگ ءَ اِنت-
پولیس ءِ واکدار ءِ گوشگ اِنت کہ وئیل سوب ءِ ھاتر ءَ پٹ ءُ پول برجاہ ءَ اِنت-